Ózbekstan Ekologiyalıq partiyası tárepinen mektebimizdiń súwretlew hám ámeliy óner bólimi oqıwshıları arasında “Ana-Tabiyattı asıraw” temasında súwret salıw tańlawı ótkerildi. Tańlawdıń tiykarǵı maqsetı — jaslar arasında ekologiyalıq mádeniyatti qáliplestiriw, qorshaǵan ortalıqqa bolǵan juwapkerlik sezimdi oyatıw hám olardıń dóretiwshilik qábiletlerin rawajlandırıw boldı.
Tańlaw barısında oqıwshılar óz súwretleri arqalı tabiattı qorǵaw, átirap-muhittiń taza saqlanıwı, suw hám hawa tazalıǵı sıyaqlı aktual máselelerdi  súwretlep berdi. Is-ilaj juwmaǵında eń jaqsı jumıslar anıqlanıp, jaqsı súwret salǵan oqıwshılar partiya tárepinen tayarlanǵan  estelik sawǵalar menen xoshametlendi.
Bul tańlaw oqıwshılardıń ekologiyalıq oylanıwın keńeytip, olardıń súwretlew ónerge bolǵan qızıǵıwshılıǵın taǵı da arttırdı.