10-sonli bolalar musiqa va san’at maktabi yosh avlodning musiqa va san’at turlariga qiziqishi va qobiliyatini rivojlantirish, ijtimoiy faolligini oshirish, ularni xalqimiz an’analariga va milliy qadriyatlarimizga nisbatan hurmat ruhida tarbiyalash, ma’naviy va marifiy saviyalarini har tomonlama oshirishdan iborat. Maktabda malakali o‘qituvchilar jamoasi faoliyat yuritadi, ular o‘quvchilarning umumta’lim maktabdagi darslaridan tashqari qiziqishlari va iqtidorlarini rivojlantirish uchun musiqa va san’atning 13 xil yo’nalishda shug‘ullantiradi.

Maktab Qoraqalpog’iston Respublikasidagi Nukus Madaniyat va san’at ixtisoslashtirilgan maktabi,O’zbekiston Madaniyat institute Nukus filiali, O’zbekiston Davlat Konservatoriyasi Nukus filiali va boshqa ta’lim tashkilotlari bilan hamkorlikda faoliyat yuritib, o‘quvchilarning kasbga yo‘naltirishiga yordam beradi.