Hár jılı 25-noyabr dúnyanıń kóplegen mámleketlerinde
hayal-qızlarǵa bolǵan zorlıqtı saplastırıw kúni sıpatında belgilenedi. Mámleketimizde de 25-noyabrden 10-dekabr kúnine shekem “Zóravonlikka qarshi 16 kun” turkum ilajları ótkerilip kelinbekte.

2025-jıl 5-dekabr kúni Qoñirat rayonı “Esemurat jiraw” atindaģi 10-sanlı balalar muzıka hám kórkem óner mektebinde Jaslar menen islesiw inspektorı hám  Hayal-qızlar másláhát keńesiniń baslaması menen pedagoglardıń qatnasıwında “Jaslar zorlıqqa qarsı!” súreni astında úgit-nasiyatlaw jumısları  shólkemlestirildi. Bul ilaj jámiyette zorlıqtıń aldın alıw, hayal-qızlardıń huqıqların qorǵaw hám jaslardıń huqıqıy bilimlerin bekkemlewge qaratılǵan áhmiyetli baslamanıń bir bólegi sıpatında shólkemlestirildi.